Big thank you from


I am a little fairy
On tap o' the Christmas Tree
It's no' a job I fancy
Well how would you like tae be me?

Aw tarted up wi' tinsel
It's enough to mak ye boak
An a couple o' jaggy branches
Rammed up the back o' yer frock.

An' these wee lights a'roon me
I canna get ma sleep
An' there's the yearly visit
Fae Santa ......Big fat creep!

On Christmas Day A'm stuck up here
While you're a' wirin' in
An' naebody says, "Hey you up there
Could ye go a slug o' gin?

It's nae joke bein' a fairy
The job's beyond belief
You've got to go roon' the wean's beds
And lift their rotten teeth

But o' a' the joabs a fairy gets
An' I've mentioned only some
The very worst is sitting up a tree
Wi' pine needles up yer bum

When a' the fairies meet again
By the light of' the silvery moon
Ye can tell the Christmas fairies
They're the wans that canna sit doon

The Christmas tree's a bonny sight
As the firelight softly flickers
But think o' me A'm stuck up here
Wi' needles in ma knickers

So soon as Christmas time's right by
An' A stop bein' sae full o' cheer
A'll get awa back tae Fairyland
An' A'll see yous a' next year.

Here is a new poem, read it in your best Scottish accent, ...... Beano

This poem was written by Frances Dunlop 1993

Frances's Web Site please click here